Iniciativa pol Asturianu va escoyer esti sábadu al so presidente nuevu

LA VOZ

ACTUALIDÁ

Inaciu Galán
Inaciu Galán

El periodista y profesor Inaciu Galán termina'l periodu al frente de la organización dempués d'ocho años

18 jun 2019 . Actualizado a las 19:46 h.

L'asociación Iniciativa pol Asturianu va escoyer presiente esti sábadu 22 de xunu dientro del marcu del III Congresu de la organización, onde se va renovar la Xunta Directiva pa los vinientes trés años.

Atendiendo a la llimitación de dos mandatos qu'establecieron los estatutos d'Iniciativa pol Asturianu dende la so fundación en 2011, el periodista y profesor Inaciu Galán, va acabar asina'l so periodu como presidente d'esta entidá.

Inaciu Galán foi xunto al profesor y traductor Víctor Suárez impulsor d’esta entidá, tres delles reflexones feches públiques nel branu de 2011 sobre la situación del movimientu de reivindicación llingüística n’Asturies. Suárez respondió con otru artículu y dende entós numberoses persones punxéronse en contacto con dambos col envís d’animalos a poner en marcha una nueva organización.

Inaciu Galán dirixó dos xuntes directives, tres la renovación en 2015. Agora, cumplíos los plazos máximos marcaos polos estatutos d’Iniciativa pol Asturianu, remata’l so mandatu, dando pasu a un nuevu presidente o presidenta. Esti nuevu cabezaleru de la organización va escoyese nel III Congresu d’Iniciativa pol Asturianu, esti sábadu 22 de xunu a les 16:30 hores, nel Vieyu Institutu Xovellanos, que se  celebra baxo’l títulu “Contruyendo’l consensu pola oficialidá”.