El Principáu impulsa una campaña de promoción turística con el clima como ventaya competitiva
ACTUALIDÁ
La iniciativa caltien el lema Vuelve al Paraíso y va proyectar imaxes resfrescantes d?Asturies enl interior de los trenes del metro de Madrid
18 jun 2019 . Actualizado a las 09:23 h.El conseyeru d'Empléu, Industria y Turismu, Isaac Pola, anunció ayer la puesta en marcha d'una campaña de promoción turística nueva que busca aprovechar el clima del Principáu como reclamu y ventaya competitiva.
La campaña turística, que caltien el lema 'Vuelve al Paraíso', yá ta en marcha y va promocionase en televisión, radio, cine, soportes de publicidá esterior, medios dixitales y redes sociales hasta la primera quincena de xunetu, col propósitu d'aprovechar les primeres foles de calor de la península.
Como principal novedá, inclúyese'l patrociniu de dalgunos de los espacios meteorolóxicos d'audiencia mayor en televisión, lo mesmo que de la páxina www.eltiempo.es y la so aplicación. Otru formatu novedosu va ser la proyección d'imaxes refrescantes del Principáu nel interior de los trenes del metro de Madrid, al traviés d'un sistema que permite visualizar vídeos nes ventanes del vagón a lo llargo del so percorríu pel interior del túnel.