Les vidreres y escudos que son patrimoniu históricu y artísticu van caltenese
21 jun 2019 . Actualizado a las 13:18 h.La Universidá d'Uviéu presentó ayeri nel claustru la propuesta de la comisión d'espertos pa l'aplicación de la Llei de Memoria Histórica na institución académica, qu'inclúi la retirada de dalgún elementu y el caltenimientu d'otros por cuestiones de proteición del patrimoniu.
Los alcuerdos contemplen la retirada de la llábana n'homenaxe al rector Sabino Álvarez-Gendín, pol so calter apolexético del réxime franquista». Na llábana puede lleese: 'Purificada pol fueu surdió esta universidá d'ente les sos ruines. La promoción d'estudiantes soldáu al excelentísimo señor don Sabino Álvarez-Gendín Blanco, alma d'esta empresa. Uviéu 17-1-1970'.
Pol mesmu motivu plantégase la retirada del monumentu a los cayíos inauguráu en 1941 y allugáu xuntu al rectoráu, nel que figura la llista de los finaos del bandu vencedor. Tratar d'un homenaxe a los cayíos, que se produció en munchos llugares de la xeografía española. El monumentu ye un homenaxe a los cayíos y foi tamén un llugar onde se celebraben rituales d'homenaxe al réxime.
Retirada del nomamientu de rector honorariu de Francisco Franco. Dichu claustru taba integráu por diez miembros, amás del rector Sabino Gendín. Según les investigaciones llevaes a cabu, Franco nunca foi investido como rector honorariu.
La comisión, alcordó caltener l’escudu «con simboloxía característica de la dictadura asitiáu nel Paraninfo y nel que se fai alusión a la reconstrucción de la Universidá por allegar razones conveniencia artística y arquitectónica, yá que la so retirada podría causar «daños ensin deseyar». Va colocase una placa col testu qu'esclarie los términos polos que se caltien y tamién que la reconstrucción nun s'entamó en 1936 sinón en 1934 nel rectoráu de Leopoldo Alas Argüelles.
Lo mesmo va facese coles vidreres del Rectoráu y de la Biblioteca Central. Van allugase tamién dos plaques col testu que recueya por qué se caltienen al allegar razones artístiques y arquitectóniques protexíes pola llei. Además se va caltener una inscripción en llatín, llabrada en piedra y alusiva a la guerra y los vencedores, que nun s'atopaba catalogada pola comisión.