La organización escoyó ayeri la xunta directiva nel congresu embaxo'l lema construyento'l consensu pola oficialidá
23 jun 2019 . Actualizado a las 12:20 h.El periodista Iván Llera ye'l nuevu presidente d’Iniciativa pol Asturianu y toma el relevu de Inaciu Galán, al frente de la organización ocho años. El III Congresu d’Iniciativa pol Asturianu, col lema Construyendo’l consensu pola oficialidá escoyó también ayeri al restu de la xunta directiva, con Xuan Fernandi na vicepresidencia.
La xunta directiva también ta compuesta por Felicitas Fernández (Secretaria), Sabel Tuñón (Ayalguera), Alexandru Ordiales (Vocalía d’Imaxe), Astor Llaneza (Voluntariáu), Claudia Gutiérrez (Enseñu y Deportes), Daniel Rodríguez (Comunicación y Activismu en Redes), Fonsu Martín (Formación), Lluís Fanjul (Implantación Territorial), Samuel Gradín (Proyectos Audiovisuales), Inaciu Galán (Rellaciones Institucionales), Pilar Riesco (Asturies Esterior), Pablo Martín (Cuestiones Llegales), Lluís Antón González (Cultura) y Marcos Martínez (Toponimia).
Iván Llera, llicenciáu en Periodismu y Comunicación Audiovisual pola Universidá Carlos III, encara la so responsabilidá con optimismu énte la nueva llexislatura y con voluntá de diálogu pa trabayar pola oficialidá. Mientres, Inaciu Galán dexa’l cargu satisfechu, aseguró, por ver que na sociedá asturiana hai güei consensu sobre la oficialidá.