La organización esixe la correición d'esti error acordies cola Llei d'Usu y los Decretos de toponimia
28 jun 2019 . Actualizado a las 17:00 h.La organización Iniciativa pol Asturianu presentó escritos al Ministeriu de Fomentu y a la Delegación del Gobiernu d'España n'Asturies poles señales nueves nos accesos de l'autopista 'Y' (A-66) n'Avilés.
Según Iniciativa, eses señales nun cumplen cola toponimia oficial y los cartelos instalaos nun recueyen la nomenclatura oficial de 'Uviéu' y 'Xixón' apareciendo namás la denominación en castellano, 'Oviedo' y 'Gijón'.
Dende la organización piden que se corrixa esi erru d'alcuerdu colo qu'establez la Llei d'Usu y Promoción del asturianu, de oficialización de la toponimia del conceyu de Xixón y colo que recueye'l decretu sobre toponimia del conceyu d'Uviéu.
P'acabar, Iniciativa pol Asturianu anima a los conceyos y al Gobiernu d'Asturies futur a "realizar un esfuerciu nel cumplimientu de los topónimos oficiales y a facer un usu normal de los mesmos".