Dos documentales rellaten la represión llingüística y el valir económicu de la llingua asturiana

LA VOZ

ACTUALIDÁ

Proyeición de los documentales en Bimenes
Proyeición de los documentales en Bimenes

Iniciativa pol Asturianu proyectó en Bimenes les obres dientro de la so campaña de sensibilización sobre l'asturianu

06 jul 2019 . Actualizado a las 10:22 h.

Iniciativa pol Asturianu presentó ayeri en Bimenes los sos documentales sobre la represión llingüística y el valir económicu de la llingua asturiana, dientro de la so campaña de sensibilización sobre la situación del asturianu. La proyeición valió tamién pa dar entamu a los actos de la XXIII Fiesta de la Oficialidá del conceyu yerbatu.

D’esta manera, la organización sigue cola so campaña de sensibilización sobre la represión llingüística cola proyeición del documental “La vida ensin oficialidá. Les consecuencies de la falta de drechos llingüísticos n’Asturies” nel qu’apaecen dellos casos onde la falta d’oficialidá provoca situaciones y problemes qu’atopen los falantes d’asturianu a lo llargo de la so vida, según informa Iniciativa pol Asturianu.

Nesta ocasión tamién proyectose’l nuevu documental “El valir económicu d’una llingua” presentáu nel II Seminariu sobre la oficialidá organizáu por Iniciativa n’Uviéu el pasáu mayu. Esti audiovisual presenta al asturianu como un elementu de dinamización nel mundo empresarial y convertise d’esta manera nuna manera de xenerar empreses, empleu y polo tanto, riqueza. Nel documental apaecen delles empreses de diferentes sectores qu’ufierten los sos servicios y productos n’asturianu siendo l’idioma un elementu qu’aporta en positivu y conviertése nun valor diferencial y añadíu nos productos o servicios.

El conceyu de Bimenes entamó ayeri la XXIII Fiesta de la Oficialidá, que va tener mañana el Día Grande na Plaza de la Casa Conceyu y nel Prau del Palaciu del Marqués de Casa Estrada.