Xixón presenta nel festival Arcu Atlánticu nuevos pallabreros dedicaos al voleibol y al h.oquei
27 jul 2019 . Actualizado a las 13:19 h.Dientro del Festival Arcu Atlánticu’l deporte femenín tien protagonismu nun ciclu que destaca la práctica individual y colectivo de la muyer con esperiencies, coloquios y amueses de distintes disciplines. Nesti ámbitu, la Oficina de Normalización Llingüística de Xixón reparte ente’l públicu asistente pallabreros de distintos deportes como'l fútbol, balonmano, voleibol y h.oquei patinos.
El pallabreru fai un repaso añu a añu de los principales finxos del deporte en Xixón y n'Asturies. La Oficina de Normalización Llingüística del conceyu Xixón, dependiente de la Fundación Municipal de Cultura, Educación y Universidá Popular, vien publicando, dende va dellos años, pallabreros temáticos n’asturianu dedicaos a los deportes más practicaos o de mayor difusión nel conceyu y, por estensión, na nuestra comunidá. D’esta manera, la xente que practica esos deportes o, mesmamente, que los sigue o los comenta nes tertulies o nos medios de comunicación, pue disponer d’una información específica y fiable pa facelo na llingua tradicional del país.
El ciclismu, la natación, el fútbol, el baloncestu, l’atletismu, los bolos, el montañismu, el balonmano, la hípica y el surf yá tienen el so pallabreru. Agora asoleyen los pallabreros de voleibol y h.oquei. Caún ta siempre acompañáu d’una desplicativa cenciella de lo más aparente de cada deporte: los sos anicios, la so tradición, l’espaciu o terrén nel que se practiquen, los preseos que s’empleguen pa ello y les regles del xuegu, etc.
El programa del Arcu Atlánticu inclúi güei l’alcuentru dedicáu al h.oquei femenín, conociendo esperiencies y aldericando con xugadores.