Berta Piñán califica de «declaración del pesu que tien» que la política llingüística tea nel nome de la so Conseyería

La Voz REDACCIÓN

ACTUALIDÁ

La conseyera de Cultura, Política Llingüística y Turismu, Berta Piñán, na inauguración de la Universidá Asturiana de Branu (Uabra)
La conseyera de Cultura, Política Llingüística y Turismu, Berta Piñán, na inauguración de la Universidá Asturiana de Branu (Uabra)

Sobre la edición nueva de la Uabra calificóla d'ésitu pol so númberu altu de partipantes, dalgo que según la conseyera vien «por un trabayu constante y bien fecho con una idea global de lo que ye la formación»

30 jul 2019 . Actualizado a las 08:12 h.

La conseyera de Cultura, Política Llingüística y Turismu, Berta Piñán, afirmó que la política llingüística tea nel mesmu nome de la Conseyería que dirixe ye, amás de simbólico, «una declaración del pesu que tien». En declaraciones en Cangas del Narcea, onde Piñán participó na inauguración de la Universidá Asturiana de Branu (Uabra), la conseyera nueva esplicó qu'amás de lo simbólico, el nome de la cartera que dirixe «ye una declaración del pesu que la política llingüística tien nesta Conseyería», informa Europa Press.

Per otru llau, sobre la edición nueva de la Uabra, que s'inauguró esti llunes en Cangas del Narcea, Piñán calificóla d'ésitu pol so númberu altu de partipantes, dalgo que según la conseyera vien «por un trabayu constante y bien fecho con una idea global de lo que ye la formación». Nesi sentíu, Piñán -qu'afirmó tar «ilusionada» por que'l so primer discursu nun actu públicu sía na inauguración de la Uabra, onde foi profesora- esperó que cada añu la participación «desborde pa que la Uabra medre como sitiu d'alcuentru de formación y intelectual».