L'Academia de la Llingua solicita una entrevista con Canteli pa plantear propuestes sobre l'usu del asturianu

La Voz OVIEDO

ACTUALIDÁ

Xosé Antón González Riaño
Xosé Antón González Riaño

L'ALLA mantién conveníos colos principales conceyos asturianos

22 ago 2019 . Actualizado a las 17:43 h.

 Asturiana (ALLA) va solicitar en setiembre una entrevista col alcalde d'Uviéu, el popular Alfredo Canteli, pa plantear propuestes p'afalar l'usu del asturianu nesti Conceyu. Dende la institución confíen en que Canteli sía sensible a estes medíes a pesar de qu'acaben d'eliminar los 24.000 euros pa promocionar l'asturianu del anteproyectu del presupuestu de la Fundación Municipal de Cultura (FMC).

El presidente de l'ALLA, Xosé Antón González Riaño, afirmó a Europa Press que pa la institución que presiden ye muncho más importante que'l Conceyu d'Uviéu tenga un compromisu claru col asturianu qu'una subvención a la mesma Academia. «Uviéu ye la capital d'Asturies y la sede de l'Academia, polo que ye necesario que la llingua tenga una presencia importante», esplicó Riaño, qu'a pesar de reconocer que 24.000 euros ye una «pérdiga considerable» pal presupuestu de l'ALLA ye dalgo más importante que dende'l Conceyu "nun dexen de llau la cuestión llingüística".

Les declaraciones de Riaño vienen depués de que l'anteproyectu de presupuestos de la FMC recueya la eliminación de la partida de 24.000 euros que'l Conceyu ufría a l'Academia pa cuestiones como asesoramientu o propuestes d'actuación en materies de promoción, usu y dignificación de la llingua y la cultura asturiana.