Estos son los tos derechos si te cancelen un vuelu (anque seya por una fuelga)

I.A. REDACCIÓN

ACTUALIDÁ

avión air nostrum

Los pasaxeros afectaos pola anulación d'un viaxe o por grandes retrasos pueden pidir una indemnización

02 sep 2019 . Actualizado a las 05:00 h.

Ye una de les imáxenes habituales del branu. Cancelaciones o retrasos de vuelos que dexen a los pasaxeros tiraos nos aeropuertos, munchos d'ellos cola perda d'enllaces y les consecuencies qu'ello tien. Pero, anque munches vegaes nun se sepa, los afectaos tienen derechu a reclamar, inclusive en casu de fuelga.

La Unión de Consumidores de Asturias (UCE) sostien que cuando un compañía aérea anuncia la convocatoria d'una fuelga de los sos emplegaos, yá nun puede invocase la esistencia d'una «fuercia mayor o circunstancies escepcionales» que ye lo que suelen alegar pa evitar el pagu de compensaciones económiques. ¿Por qué? Porque esiste una convocatoria previa y la compañía aérea ha de tomar toles midíes necesaries pa evitar molesties a los sos pasaxeros. Asina lo reconocen los tribunales de xusticia n'España. Amás, el Tribunal de Xusticia de la Xunión Europea acaba de considerar que tamién esiste derechu a solicitar indemnización nel casu de fuelgues selvaxes (aquellos ensin alcuerdu).

¿Qué derechos tengo si'l mio vuelu resulta canceláu o retrasáu por fuelga?

-Derechu a recibir información de la compañía dende'l primer momentu.