Iniciativa pide al Conceyu d'Uviéu l'usu del asturianu na cartelería de San Mateo

La Voz

ACTUALIDÁ

Recordaron que'l toponimu tradicional vien usándose dende los tiempos de Gabino de Lorenzo

03 sep 2019 . Actualizado a las 11:52 h.

Iniciativa pol Asturianu pidió al Conceyu d'Uviéu l'usu de la toponimia tradicional del conceyu d'Uviéu nos carteles de les fiestes de San Mateo. Nesi sentíu, recordaron que'l toponimu tradicional vien usándose dende los tiempos de Gabino de Lorenzo y que la Llei d'Usu, aprobada con gobiernu del PP, establez l'usu y la promoción de los topónimos tradicionales

Asina lo señaló'l presidente de l'asociación, Iván Llera, al traviés de nota de prensa, onde recordó que «dende va dellos meses la toponimia d'Uviéu ye oficial y les alministraciones tienen la obligación d'usala».

«La toponimia ye una parte de la cultura de la ciudá d'Uviéu, una seña d'identidá como les propies fiestes mateínes y nun pue ser un elementu de división porque esa división nun existe na sociedá uvieína», indicó Llera, que reclamó un usu normal de los nomes tradicionales de la ciudá y los pueblos; informó Europa Press.