San Esteban quier ser «de Bocamar»

Recueyen 800 firmes solicitando'l cambiu del topónimu

Enormes olas rompen en el paseo marítimo de San Esteban de Pravia, en Asturias.
Enormes olas rompen en el paseo marítimo de San Esteban de Pravia, en Asturias.

El miércoles próximu, 11 de setiembre, a les 11.30 de la mañana, van entregase nel Conceyu de Muros 800 firmes solicitando que'l topónimu de San Esteban sía «San Esteban de Bocamar».

Les firmes recoyéronse esti branu, depués d'aprobar el plenu municipal la primavera pasada la revisión toponímica propuesta pola Conseyería de Cultura. Esa revisión desanició los agregaos «de Nalón» y «de Pravia» de los nomes de Muros y San Esteban, pero, según los promotores d'esta iniciativa, escaeciéronse d'añadir «de Bocamar» nel últimu casu.

«San Esteban de Bocamar llamóse asina desque se tienen noticies del pueblu nel sieglu X hasta'l sieglu XIX, cuando s'añadió'l 'de Pravia'», reclamen los promotores de la iniciativa nel escritu, que'avalen 800 firmes, más del doble de vecinos censaos en San Esteban.

La pretensión de los firmantes ye qu'esta petición vaiga al plenu municipal próximu, el 16 de setiembre, o nun plenu estraordinariu. L'escritu, en castellanu y asturianu, diríxese a l'alcaldesa, a tolos grupos municipales y al cronista oficial de Muros, Juan José García, profesor de la Facultá de Filoloxía de la Universidá d'Uviéu, que tamién ye ún de los firmantes; informó Europa Press.

Valora este artículo

10 votos
Comentarios

San Esteban quier ser «de Bocamar»