TPA va retresmitir esti domingu dos partíos de fútbol n'asturianu

La cadena autonómica va televisar los dos derbis rexonales de 2ªB

Steven Vetusta Sporting B Molinon.Steven trata de llevarse el esferico frente al Sporting B en la 18/19
Steven trata de llevarse el esferico frente al Sporting B en la 18/19

Oviedo

Xornada de derbis en Segunda B cola llingua asturiana como protagonista. TPA va retresmitir esti domingu'l doble duelu ente equipos de la rexón, el qu'enfrenta a los filiales del Sporting y del Real Uviéu y el que va midir al Llangréu escontra'l Marino.

El derbi de filiales va empezar a les 12.00 hores y l'alcuentru va treslladase de Mareo al Molinón. Fernando García de Dios va narrar los ataques del filial del Sporting, mientres que Miguel Ferrandi va facelo cuando'l qu'ataque seya'l conxuntu azul.

Pela tarde, a les 17.00 hores, la cadena autonómica va retresmitir l'otru duelu ente equipos de la rexón. En Ganzábal, el Llangréu recibe al Marino. TPA algamó un alcuerdu cola plataforma que tien los derechos del club de la cuenca y el narrador va ser, al igual que pela mañana, García de Dios.

Comentarios

TPA va retresmitir esti domingu dos partíos de fútbol n'asturianu