La «Piedra del Rayu», l'hachu «máxicu» de va 5.000 años que relluma en Xixón

El Muséu de les Termes Romanes espón una ferramienta cargada de simboloxía pol poder máxicu que-y atribuyían

La «Piedra del Rayu» expuesta en Gijón
La «Piedra del Rayu» expuesta en Gijón

Oviedo

La «Piedra del Rayu» ye una ferramienta del neolíticu cargada de simboloxía. Los romanos atribuyíen-y propiedaes máxiques, por eso la soterraban cuando llevantaben nueves edificaciones o pa evitar perder les colleches. Magar que yera un vezu xeneralizáu, namái se caltien unu en tol país, y hasta final d'añu va esponese nel Muséu de les Termes Romanes de Xixón.

La pieza escoyida ye un hachu apolazáu d'orixe neolíticu perteneciente a la colección de la Villa Romana de Veranes y topada na escavación del horreum de la villa. Foi depositada de forma intencional nos cimientos del horreum (datáu nel últimu terciu del s.I d.C.) como oxetu ritual y protector de les colleches.

Según espliquen dende'l muséu, esta pieza ye testimoniu material de «un universu de creyencies y ritos que s'enllarguen nel tiempu, venceyaes a un mundu agrariu güei n'escayencia». La esposición acompáñase d'una instalación sonora y audiovisual na que se recreen les antigües creyencies d'un mundu agrariu que pocu o nada tien que ver col d'anguaño. 

Comentarios

La «Piedra del Rayu», l'hachu «máxicu» de va 5.000 años que relluma en Xixón

Cola ayuda de