Estes son les empreses asturianes premiaes polos mozos empresarios

AJE celebra la XVII edición de los sos gallardones

Gala de entrega de los premios AJE
Gala de entrega de los premios AJE

Oviedo

ABAmobile, Fundición Auriga y Enfasys Ingeniería son les empreses premiaes na XVII edición de los premios que concede AJE Asturies. Amás, el llabor de CuiCui Studios ya Internacionalización Bioquochem foi reconocíu con un accésit.

Como cada añu, los mozos empresarios de la rexón reconocieron el trabayu de les empreses. El premiu más importante, el de la categoría de Mozu Empresariu, foi p'ABAmobile, compañía dedicada a desenvolver aplicaciones móviles a midida.

Na categoría AJE Junior, el gallardón foi pa Fundición Auriga, compañía que se dedicada a producir pieces artístiques de bronce; ente que'l premiu al Emprendimientu Nuevu foi pa Enfasys Ingeniería, que desenvuelve proyectos de base tecnolóxica.

Les bases del concursu afiten que tolos gallardonaos tienen de ser menores de 41 años. Amás, según esplicó Ignacio Calviño, presidente de AJE, anguaño batiéronse tolos récores de candidatures, con 32 aspirantes.

El responsable de l'asociación señaló a TPA que'l nivel de los participantes foi «altu» y dexó claro que «los mozos empresarios queremos vivir n'Asturies, que les nueses empreses nazan y se desenvuelvan equí porque nós creyemos n'Asturies».

Comentarios

Estes son les empreses asturianes premiaes polos mozos empresarios