Cursu básicu d'asturianu n'Uviéu

La Xunta pola Defensa de la Llingua imparte un añu más clases d'asturianu

Cursu básicu de llingua asturiana
Cursu básicu de llingua asturiana

Oviedo

Toles persones interesaes en deprender asturianu tán de norabona. Como cada añu por estes feches, la Xunta pola Defensa de la Llingua imparte un cursu de llingua nel llocal que tien nel centru d'Uviéu. L'empiezu de les clases va ser el 12 de payares.

El cursu, de nivel básicu, ta dirixíu a persones adultes y consta de 20 hores de clas. Dende la organización aseguren que los participantes «van poder deprender el bon usu del idioma tanto a nivel escritu como oral».

L'horariu va ser los martes y xueves de 19.30 a 21.30 hores, con entamu de les clases el martes 12 de payares, y el preciu de la matrícula ye de 30 euros con tol material incluyíu. El profesor va ser Héctor García Gil y les clases van impartise nel local que l'asociación tien na cai Cimavilla númberu 15.

La Xunta pola Defensa de la Llingua Asturiana ye una entidá acreitada pola Conseyería d'Educación pa la formación permanente del profesoráu.

Comentarios

Cursu básicu d'asturianu n'Uviéu

Cola ayuda de