Moriyón diz que la postura de Foru sobre la oficialidá «ye la mesma que tuvimos siempre»

La presidenta de Foro  afirmó que'l nomamientu de los asturianistes José Luis Arias-Cachero y Xicu Díaz Yepesnun supón un cambiu na su postura

La candidata de Foro a la Presidencia del Principado, Carmen Moriyón, interviene en el acto de arranque de la campaña electoral
La candidata de Foro a la Presidencia del Principado, Carmen Moriyón, interviene en el acto de arranque de la campaña electoral

La presidenta de Foro, Carmen Moriyón, afirmó que'l nomamientu de los asturianistes José Luis Arias-Cachero y Xicu Díaz Yepes como vocales del órganu directivu del so partíu nun supón un cambiu na postura de Foro cola oficialidá del asturianu, «que ye la mesma que tuvimos siempre».

Al traviés de nota de prensa, la ex alcaldesa de Xixón esclarió que la so decisión de designar a trés vocales, ente los que tán dos históricos defensores del asturianu y miembros de l'asociación «Lliberales pola oficialidá», ye'l so derechu d'alcuerdu a les normes internes del so partíu.

Asina, quixo esclariar que respuende «al enfotu que tien nellos y non a nengún cambiu na postura de Foro frente a la oficialidá, que ye la mesma que caltuvimos siempre, y que llevábamos una vez más nel programa que presentemos a les últimes elecciones autonómiques».

Moriyón añadió que'l proyectu del partíu «sigue siendo'l d'ufiertar una alternativa p'Asturies; ensin personalismos nin prexuicios, sinón cola vocación de sirvir, de la meyor manera posible, a una rexón que precisa soluciones, y non más problemes».

El programa electoral col que Foro se presentó a les elecciones del 2015 falaba d'apoyar la oficialidá «cuando se dean les circunstancies polítiques y el consensu social necesario que permita la reforma del Estatutu». Una mención que se retiró nel programa del 2018, onde se falaba'l desarrollu de la Llei d'Usu.

En 2017, Moriyón, como alcaldesa de Xixón, y el so equipu de gobiernu votaron a favor d'una moción que solicitaba a la Xunta Xeneral empecipiar la reforma del Estatutu pa incluyir la oficialidá. Una situación que criticó la líder del PP asturianu, Mercedes Fernández, que la acusó de «abrazar la radicalidá»; informó Europa Press.

Comentarios

Moriyón diz que la postura de Foru sobre la oficialidá «ye la mesma que tuvimos siempre»

Cola ayuda de