L'exame de conocencia de l'Academia de la Llingua Asturiana, el 25 de xineru

L.F. REDACCIÓN

ACTUALIDÁ

Certificado de conocencia de la Academia de la Llingua Asturiana
Certificado de conocencia de la Academia de la Llingua Asturiana

La institución entama dos pruebes añales pa evaluar el nivel de conocencia del idioma

19 nov 2019 . Actualizado a las 05:00 h.

El Principáu trabaya na ellaboración de la so propia prueba pa evaluar el grau de conocencia d'asturianu. Va ser asemeyada a les pruebes que se realicen n'otros idiomes y va tener reconocencia oficial. Pero hasta que se peracaben los detalles d'esi nuevu exame, l'Academia de la Llingua Asturiana va siguir ufiertando la posibilidá d'acreitar la conocencia de la llingua. El próximu exame va ser el 25 de xineru.

L’Academia de la Llingua Asturiana, sabiendo’l fondu interés de munches persones de llograr que se reconoza la so conocencia de la llingua y manifestar asina’l so fondu amor al idioma asturianu, fadrá dos convocatories añales onde van poder evaluase diches conocencies. La primera d'elles va ser en xineru y la segunda en mayu.

A les persones declaraes aptes nes pruebes citaes, l’Academia dará-yos un documentu onde s’afite la conocencia nel nivel 1 o básicu según calces siguíos por esta Institución y los que nun superen les pruebes del nivel 1 van poder presentase a nueves convocatories toles vegaes que-yos pruya.

La prueba va tener dos partes: una escrita, que va ser un dictáu, exercicios gramaticales, comprensión de testu y redaición; y otra falada, que va ser una conversación colos miembros del xuráu.

Dende l'academia señalen que resulta imprescindible conocer «les xeneralidaes gramaticales de la llingua asturiana y los aspeutos básicos de la so normativa ortográfica». Asina mesmo, aconséyase la llectura de testos fechos acordies cola normativa, como los asoleyaos por esta Academia.

En resultes d’esto, el 25 de xineru de 2020 va facese la prueba semestral. El plazu de matrícula ye del 13 al 23 de xineru y l'horariu de matrícula de llunes a xueves de 9:00 a 15:00 hores y de 16:00 a 19:00 hores. El vienres va ser de 9:00 a 14:00 hores y el preciu y de 20 euros.