La esclusión financiera llega a Asturies: 8.000 vecinos nun disponen d'un bancu cerca

s.d.m.

ACTUALIDÁ

Un estudiu confirma que 10 conceyos carecen de sucursales

20 nov 2019 . Actualizado a las 05:00 h.

La razón de los grandes bancos pa zarrar les sos oficines consiste en xustificar el tsunami de despidos qu'acometieron na última década. Les consecuencies nótense nes grandes y nes pequeñes estadístiques. Na última década zarráronse cuasi 10.000 sucursales en toa España, lo que supón casi'l 50%. Los asturianos tán sufriendo en primer persona. Diez conceyos nun cunten con nenguna oficina bancaria abierta. Son dos más que va una década. En población, esto supón qu'hai 8.000 asturianos ensin el serviciu, alredor de 1.200 más que fai namái trés exercicios. El retayu ye continuu.

Nun ye la única práctica bancaria qu'afecta al serviciu. Los grandes bancos retayen los sos gastos cediendo sucursales a axentes financieros. Esto ye, unes zarren y otres les esternaliza. Liberbank, la entidá integrada pola antigua Cajastur, xunto con Caja Extremadura, Caja Cantabria y Caja Castilla-La Mancha tamién se sumó a esta estratexa. Empezó nel añu 2016. Nesi exerciciu tresfirió 15. A finales de 2018, multiplicárase. Yá xubíen a 108. En toa España, los 18 bancos con más mercáu axustaren con axentes la xestión de 6.112 oficines.

Toos estos datos formen parte del informe Empleo Postcrisis en la banca española (II): Los bancos se instalan en la crisis, ellaboráu por José Manuel García Diego pa la Federación Fuerza, Independencia y Empleo (Fine). De Diego diz de los axentes comerciales que son «falsos autónomos» y del sector, polo xeneral, que ta «destruyendo empléu de forma masiva y rebaxando la so aportación a la economía nacional de forma importante». Prescindió d'unu de cada trés trabayadores contrataos nel 2008, añu en qu'españa la crisis financiera y económica. Coles mesmes, la productividá por trabayador aumentó un 7%. Son menos pero consiguen más.

L'informe sostién la hipótesis de que «los bancos cierren oficines pa poder despidir a trabayadores», una y bones el refuxu qu'atopó la banca española tres la crisis foi despidir trabayadores y dar el llombu a la economía real d'esti país».  Un fenómenu nuevu surdió, la denomada esclusión financiera. Son toos aquellos ciudadanos que nun tienen cerca oficines onde realizar xestiones y que tienen que movese munchos kilómetros o depender de los buses bancarios que realicen rutes pela zona rural, igual que mientres años realizaron otros autónomos como los pescaderos o los fruteros.

La última oficina de Somiedu ta nel alambre. La sucursal de Liberbank sufrió un axuste d'horarios. Namái va abrir dellos díes a la selmana. Los vecinos tarrecen un zarru definitivu.