Los GEO, de maniobres n'Asturies

El cuerpu d'élite de la Policía Nacional fai distintos exercicios d'entrenamientu en Veranes

Los GEO, de entrenamientos en Gijón
Los GEO, de entrenamientos en Gijón

Oviedo

El Grupu Especial d'Operaciones de la Policía Nacional ye unu de los más preparaos de les Fuercies y Cuerpos de Seguridá del Estáu y el so oficiu esixe un entrenamientu constante. Un estáu de forma óptimu ye imprescindible pa poder realizar el so trabayu y, poro, busquen davezu escenarios nuevos pa entrenase. El postreru foi en Veranes, Xixón.

Una docena d'axentes d'esti cuerpu d'élite tuvo nel Centru de Seguridá Marítima Integral Xovellanos de Xixón. Ellí realizaron distintos exercicios, ente los que destaca'l rescate d'un barcu secuestráu n'alta mar o la evacuación d'un helicópteru somorguiáu.

Según informa TPA, esta ye la primer vegada que los GEO se forma n'Asturies, y ficiéronlo coles mires de conocer meyor la mar. Esti cuerpu d'élite encárgase d'operaciones de riesgu, como los rescates de rehenes, l'abordaxe de buques n'alta mar o la llucha escontra'l terrorismu.

Comentarios

Los GEO, de maniobres n'Asturies