Sofía Castañón (UP) promete'l cargu n'asturianu

Tanto Castañón como l'ex diputáu de Podemos Segundo González, y Gaspar Llamazares cuando yera diputáu por Asturies d'IX, usaron esta llingua pa prometer el cargu

Sofía Castañón
Sofía Castañón

Redacción

La diputada por Asturies de Xuníes Podemos (UP) Sofía Castañón prometió'l so cargu en llingua asturiana na sesión constitutiva de la XIV Llexislatura nel Congresu. «Pola democracia y pol feminismu, sí prometo», foi la formula utilizada pola diputada asturiana nel momentu d'acatar la Constitución. Castañón yá utilizara una formula asemeyada nel empiezu de la llexislatura pasada: «pola democracia y los nuesos derechos y llibertaes, sí prometo», foron les palabres qu'utilizó.

Con too, nun ye la primer vez que s'usa l'asturianu nel Congresu, porque tanto Castañón como l'ex diputáu de Podemos Segundo González --que nes elecciones de payares encabezó la candidatura de Más País por Asturies-- usaron esta llingua pa prometer el cargu, igual que yá fixera Gaspar Llamazares cuando yera diputáu por Asturies d'IX.

Comentarios

Sofía Castañón (UP) promete'l cargu n'asturianu

Cola ayuda de