«Asturies ye una tierra mui afayadiza pa un turismu cultural, paisaxísticu y un turismu saludable basáu nes actividaes deportives», señaló la congresista
24 ene 2020 . Actualizado a las 13:39 h.La portavoz axunta d'Unidas Podemos, Sofía Castañón, defendió esti xueves en Madrid la oficialidá de la llingua asturiana como exe del turismu cultural y llingüísticu que podría establecese n'Asturies.
«Nun hai un únicu modelu de turismu y Asturies ye una tierra mui afayadiza pa un turismu cultural, paisaxísticu y un turismu saludable basáu nes actividaes deportives», señaló la congresista depués d'asistir a los actos del Día d'Asturies en Fitur.
Nesi sentíu, señaló que la identidá y la llingua asturiana pue ser «el motor» del turismu cultural n'Asturies. Por eso, reclamó la oficialidá «porque yá ta demostrao en munchos informes que tamién xenera riqueza y pue ser un impulsu pal turismu n'Asturies».