N'Uviéu y en Sariegu'l cursu empieza'l martes 3 de marzu, en Xixón y en Avilés, el cursu empieza'l 2 de marzu
19 feb 2020 . Actualizado a las 17:37 h.La Xunta pola Defensa de la Llingua Asturiana entama un cursu d'asturianu de nivel básicu n'Uviéu, Xixón y Avilés. Per otru llau, el Serviciu de Normalización de la Comarca de la Sidra abrió un taller de llingua asturiana en Sariegu. N'Uviéu'l cursu empieza'l martes 3 de marzu, nel local de l'asociación, na cai Cimavilla 15. L'horariu va ser de 19.30 a 21.30 hores, los martes y xueves. Otra manera, en Xixón, el cursu empieza'l 2 de marzu y va ser los llunes y vienres, de 19.00 a 21.00 hores, nel Conseyu de la Mocedá. N'Avilés, el cursu empieza'l día 2 de marzu, y va ser los llunes y xueves, de 20.00 a 22.00 hores, nel IES Carreño Miranda.
Estos cursu tienen 20 hores de duración y tán dirixíu sobre manera a persones adultes. Nél, los alumnos y alumnes van poder deprender el bon usu del idioma tanto a nivel escritu como oral. El preciu de la matrícula completa ye de 30 euros, incluyendo tol material. Toles persones interesaes puen apuntase mandando un mail a la dirección info@exunta.org enantes del vienres 28 de febreru, onde han indicar el cursu nel que tán interesaes.
Per otru llau, el Serviciu de Normalización Llingüística de la Comarca de la Sidra abrió'l plazu d'inscripción d'un taller de llingua asturiana, que va ser na Casa la Cultura de Vega (Sariegu) los martes, de 18.00 a 20.00, ente'l 3 de marzu y el 9 de xunu. La inscripción, que ye dafechu de baldre, va poder facese pel email del normastur@lacomarcadelasidra.com o nel teléfonu d'atención al públicu de la Mancomunidá Comarca de la Sidra (985718413) y va tar abierta hasta'l mesmu 3 de marzu.