Entamen un festival de cultura asturiana al traviés de les redes pa combatir l'aislamientu
ACTUALIDÁ
Tien previstes actividaes dende esti miércoles 18 y hasta'l llunes 30 de marzu
17 mar 2020 . Actualizado a las 20:46 h.La plataforma lliteraria Formientu.com va poner el marcha #FormientuEnCasaFest. La idea d'esti festival virtual ye ufrir a la xente actividaes lliteraries y culturales que valgan pa face-yos pasar el tiempu del enzarru nes cases y poner en valir la importancia de la cultura asturiana y la llingua asturiana.
El festival tien previstes actividaes dende esti miércoles 18 y hasta'l llunes 30 de marzu. Les actividaes van facese al traviés de cámara web y en directo dende les cases de los protagonistes de cada actividá.
La programación arranca esti miércoles 18 con un recital del propiu Diego Solís. Van celebrase tamién charres sobre teatru, wikipedia o lliteratura.