La prueba de B2 d'asturianu va ser el 3 d'ochobre, ún día depués del Día de les Lletres
ACTUALIDÁ
A estes pruebes namás van poder concurrir un máximo de 500 aspirantes, pero s'apuntaren más de 800 aspirantes
17 jun 2020 . Actualizado a las 20:48 h.L'exame p'acreitar el nivel B2 de Llingua Asturiana, que diba facese en mayu y que pola crisis sanitariu quedó aplazáu, va celebrase'l 3 d'ochobre, namás una xornada depués del Día de les Lletres Asturianes.
A estes pruebes de certificación de llingua asturiana qu'entama la Conseyería d'Educación del Gobiernu autonómicu namás van poder concurrir un máximo de 500 aspirantes, pero s'apuntaren más de 800 aspirantes.
La Conseyería de Cultura, Política Llingüística y Turismu, d'alcuerdu cola Academia de la Llingua Asturiana (ALLA), decidiera yá aplazar la celebración institucional de les Lletres Asturianes pol decretu del estáu d'alarma y el confinamientu pola crisis del coronavirus hasta la seronda.
Asina, la 41 edición de la Selmana de les Lletres Asturianes va celebrase del 28 de setiembre al 2 d'ochobre. Precisamente, el Día de les Lletres va ser el 2 d'ochobre y un día depués la primer prueba oficial d'asturianu.