La Xunta Xeneral va debatir sobre l'usu del asturianu nel plenu próximu

PSOE, Podemos y IX van presentar una proposición non de llei pa encamientar al Gobiernu d'Asturies a que pida al Gobiernu central acometer l'harmonización fiscal de los tributos cedíos

Pleno semipresencial de la Junta General del Principado de Asturias.
Pleno semipresencial de la Junta General del Principado de Asturias.

redacción

La Xunta de Portavoces de la Xunta Xeneral zarró l'orde del día del plenu de la selmana que vien, que se celebra'l martes 30 de xunu y el miércoles 1 de xunetu y que, na segunda sesión va incluyir les entrugues al presidente del Principáu, Adrián Barbón. Ente otres iniciatives, PSOE, Podemos y IX van presentar una proposición non de llei (PNL) conxunta pa encamientar al Gobiernu d'Asturies a que pida al Gobiernu central acometer l'harmonización fiscal de los tributos cedíos a les comunidaes autónomes.

Dende la formación morada, amás, van llevar una PNL en defensa del sector pesqueru asturianu y van preguntar sobre la situación de los auxiliares d'ayuda a domiciliu. Podemos, igualmente, va preguntar al Gobiernu sobre'l futuru de Vauste. IX, per otru llau, va pidir que la Sindicatura de Cuentes fiscalice la xestión del agua n'Uviéu, y va defender l'usu del asturianu na Xunta Xeneral.

Dende Foru, van preguntar pola cobertura de Televisión Dixital Terrestre (TDT) nes zones rurales, el preciu de la lluz y l'Estatutu del consumidor electrointensivu, y el Chao Samartín. P'acabar, Vox va presentar una Proposición non de Llei (PNL) sobre'l cambiu de la normativa de los establecimientos hoteleros, una entruga sobre ayudes urxentes a persónes trabayadores por cuenta propia y autónomes, y una interpelación urxente en materia d'Igualdá. Sobre l'usu del asturianu na Xunta, el portavozde Vox, Ignacio Blanco, anticipó'l so «votu en contra» porque entiende qu'esa reforma «namás xenera más división». «Ye inútil porque nun soluciona'l problema de los que nun entendemos el bable de llaboratoriu», diz, según informa Europa Press.

Comentarios

La Xunta Xeneral va debatir sobre l'usu del asturianu nel plenu próximu

Cola ayuda de