El Lealtad busca l'ascensu énte'l Alcoyano

J.S. REDACCIÓN

ACTUALIDÁ

L'equipu encara la so última oportunidá pa consiguir l'ascensu a Segunda División B en repesca de campeones

01 ago 2020 . Actualizado a las 09:45 h.

El CD Lealtad va tener mañana la so última oportunidá pa consiguir l'ascensu a Segunda División B na repesca de campeones, nun alcuentru que va tener llugar a les 22:00 hores na ciudá deportiva de Las Rozas y nel que se va enfrentar, con tolos sos xugadores disponibles, al CD Alcoyano, el campeón del grupu VI de Tercer División.

El conxuntu maliayu ye ún de los cuatro campeonos de grupu esaniciaos nel play-off, y que van disponer d'una segunda oportunidá pa llograr l'ascensu nesta fase adicional que se va celebrar a partíu únicu na ciudá deportiva madrilana.

Los de Clemente Sánchez, qu'axunten dos temporaes ensin perder un partíu en lliga regular, cayeron descalificaoa na semifinal de la fase autonómica énte'l Caudal Deportivu por 0-1.

Sicasí, el conxuntu negrucu va llograr l'ascensu si vence mañana al CD Alcoyano en repescar de campeones, que tamién van apostar el Marín y la Linares y del que van salir dos nuevos equipos de Segunda División B.

Clemente Sánchez va tener a tolos sos futbolistes disponibles pa la cita, na que se va estrenar Fran Cabal como presidente del club sustituyendo a Pedro Menéndez, que nun se presentó a la reelección pa incorporase a la dirección deportiva del Racing de Santander.

El CD Lealtad remató la temporada como campeón del grupu II, con 62 puntos y ensin encaxar nenguna derrota en tol añu.