El xuráu quixo poner de manifiestu que ye una idea «con un planteamientu visual mui atractivo que permite l'averamientu al asturianu»
08 ago 2020 . Actualizado a las 13:42 h.Estaciones, del IES númberu 1 de Xixón, ye la idea ganadora del III Premiu Fierro Botas a la meyor idea normalizadora qu'entama tolos años el Conceyu de Xixón.
Paz Fonticiella, profesora d'asturianu y coordinadora del proyeutu y les alumnes de 4u de la ESO Lucía Álvarez gonzález, Nerea García Menéndez, Izan Menéndez Morán, Joel Ovies Calvo y Carla Peruyero Nevares foron les encargaes de poner en marcha esti proyectu. El xuráu quixo poner de manifiestu que ye una idea «con un planteamientu visual mui atractivo que permite l'averamientu al asturianu y a la poesía escrita n'asturianu, conxugando al traviés de bolses de papel vinculaesa les estaciones del añu».
Per otru llau, destacaron la creatividá lliteraria col léxicu de los campos semánticos del tiempu que pasa, «favoreciendo l'usu del asturianu y la so visibilidá al traviés d'una actividá lúdica que conxuga cultura y lliteratura y que ta dirixida a persones de toles edaes y diferentes públicos», informa Europa Press.