La organización decidió suspendelu «pol retu organizativu que supón preparar un plan anti-covid»
10 ago 2020 . Actualizado a las 12:13 h.El próximu domingu 4 d'ochobre diba celebrase'l Día de la Reciella qu'algama esti 2020 la so VIII edición, pero la organización decidió suspendelu «pol retu organizativu que supón preparar un plan anti-covid que tornaría'l movimimientu de los neños y neñes, obligaría a un rexistru detalláu de tola xente asistente y reduciría abondo l'aforu».
Según indicaron dende l'asociación Reciella, esto «supera la capacidá organizativa d'una organización como la nuestra, que se basa nel trabayu voluntariu de les families». Amás, recuerden que polo cambiante de les circunstancies sanitaries y les normatives, «tampoco nun tendríemos la garantía de poder facer les actividaes, siquiera neses condiciones tan llendaes».
Los organizaciones tán trabayando na posibilidá de facer dalguna actividá simbólica d'esti festival centráu nel papel na tresmisión interxeneracional de la llingua propia d'Asturies. Con too, el VIII Día de la Reciella y la carrera familiar Entaína, aplázase oficialmente hasta l'añu 2021.