Con esti procesu, foi posible la devolución al mercáu de 137 tonelaes de nuevos llubrificantes
22 ago 2020 . Actualizado a las 05:00 h.El sistema encargáu n'España de la xestión del aceite industrial usao (SIGAUS) llogró recuperar 5.768 tonelaes n'Asturies el pasáu exerciciu.
En retirando l'agua y la folla, xestionáronse en 2019 un total de 4.163 tonelaes d'aceites de les qu'un 31% se destinaron a recicláu material, un 5% a rexeneración y el restante aprovechóse enerxéticamente como combustible, que permitió aforrar una enerxía equivalente a 2,5 xigavatios/hora y cerca de 276.000 barriles de petroleu.
Con esti procesu, foi posible la devolución al mercáu de 137 tonelaes de nuevos llubrificantes, según SIGAUS, que llevó a cabu 3.425 recoyíes en 1.438 establecimientos de 60 conceyos, de los que 937 taben rellacionaos cola automoción, 232 con usos industriales y 269 con otres actividaes, como la construcción.
L'actividá de SIGAUS nel presente exerciciu viose afectada pola crisis del covid-19, que llevó a qu'ente marzu y mayu la vienta de llubrificantes cayera un 40% y a que'l texíu empresarial dedicáu a la xestión d'esti residuu n'Asturies sufriera «un esbarrumbe d'actividá que podría comprometer la so viabilidá y la recoyida d'esti residuu peligrosu».
Énte esta situación, el xestor de residuos «reaccionó multiplicando por seis el financiamientu destináu a estes empreses» pa contribuyir a la supervivencia del sector y garantizar que los aceites industriales siguen recoyéndose y reciclando, informa nun comunicáu.