Iniciativa afirma qu'hai estudiantes que siguen ensin profesor d'asturianu

La Voz OVIEDO

ACTUALIDÁ

La organización tien constancia d'un casu nel IES Aramo, n'Uviéu

10 nov 2020 . Actualizado a las 19:43 h.

L'asociación Iniciativa pol Asturianu afirmó qu'estudiantes d'asturianu siguen ensin profesor a estes altures del cursu. Dende la organización dicen que recibieron quexes de dellos centros de Asturies con esta problemática en centros públicos y concertaos.

De manera concreta, la organización tien constancia d'un casu nel IES Aramo, n'Uviéu, nel que se modificó la matrícula ensin permisu del alumnu y por eso, l'estudiante ta cursando una asignatura "a la que nun s'apuntó". Dicen qu'eso pasó ensin avisu a la familia nin al estudiante. «Al pidir cuentes a los responsables del institutu, éstos animen al alumnu, menor d'edá, a dir a otru centru educativu (a cursar l'asignatura), cuando nel centru hai profesor de Llingua Asturiana y Lliteratura y namás sería necesario amplia-y la xornada», dixeron.

Dende Iniciativa pol Asturianu consideren que ye una situación de «marxinación y maltratu» al alumnu, contrariu a la llexislación vixente y esixen a la Dirección del Centru que ponga «solución inmediata», informa Europa Press.