Barbón felicita la navidá n'nasturianu, gallego-asturianu y castellanu y con una imaxe de Llastres

La Voz REDACCIÓN

ACTUALIDÁ

Felicitación navideña de Adrián Barbón en asturiano
Felicitación navideña de Adrián Barbón en asturiano Gobierno del Principado

El presidente del Principáu d'Asturies felicita les fiestes con una postal na que se pue ver una semeya de Llastres y la playa de La Griega (Colunga)

28 dic 2020 . Actualizado a las 17:03 h.

El presidente del Principáu d'Asturies, el socialista Adrián Barbón, felicitó les navidaes con una postal na que se pue ver una semeya de Llastres y la playa de La Griega (Colunga), acompañáu d'un testu que se pue lleer en trés versiones: n'asturianu, gallego-asturianu y castellanu.

«Espero que 2021 permita dexar atrás un tiempu duru y cruel, marcáu pola pandemia mundial. Cola alcordanza de les víctimes siempre na memoria, quiero treslladavos los mios deseos de felicidá y salú pal añu nuevu», diz el testu na so versión n'asturianu.

L'añu pasáu, el xefe del Executivu escoyera los Picos d'Europa, col Urriellu nel centru, y un testu en castellanu y n'asturianu. Ye de reseñar que'l so precedesor nel cargu, Javier Fernández, xeneró polémica nel 2015 cuando unvió una postal pa felicitar les fiestes en 14 idiomes. Ente elles taba'l chinu, el griegu, l'eslovenu o'l finlandés, pero non l'asturianu.

La situación xeneró la crítica d'organizaciones como la Xunta pola Defensa de la Llingua, qu'acusó al yá ex presidente d'aprovechar «la más mínima ocasión pa despreciar l'asturianu».