Cada estaya tien un primer premiu de 600 euros, un segundu premiu de 275 euros y un tercer premiu de 125 euros
13 ene 2021 . Actualizado a las 17:52 h.Del 14 de xineru al 14 de febreru de 2021 ta abiertu'l plazu de presentación de solicitúes pa participar nel III concursu Xixón Fala en 3. Trátase d'una competición onde cada participante presenta un tema n'asturianu, en tres minutos y con un rexistru cultu o académicu.
La participación ye gratuita y les solicitúes han presentase nel rexistru electrónicu del conceyu de Xixón. Cada participante pue presentar un únicu tema. Divídese en tres categoríes: Temes vinculaos a la cultura y realidá asturiana, temes de divulgación -dambes pa persones mayores d'edá- y la mocedá fala en 3 -pa persones de 14 a 18 años-.
Cada estaya tien un primer premiu de 600 euros, un segundu premiu de 275 euros y un tercer premiu de 125 euros. L'actu de presentación de los temes va ser el 20 de febreru nel Salón d'actos del CCAI.