La Rede de Normalización Llingüística pon en marcha una campaña p'afalar el consumu nel comerciu de proximidá
ACTUALIDÁ
Esta campaña ofrez a la ciudadanía información sobre los productos propios de cada momentu y anímala a mercar nel comerciu de proximidá
06 feb 2021 . Actualizado a las 12:54 h.La Rede de Normalización Llingüística nos Conceyos presenta una campaña conxunta qu'afala'l consumu responsable «¿Qué mos toca...?». Esta campaña, entamada yá l'añu pasáu pol Conceyu L.lena, ofrez a la ciudadanía información sobre los productos propios de cada momentu y anímala a mercar nel comerciu de proximidá.
La campaña, pensada pa la promoción peles redes, renuévase según avanza l'añu, actualizando productos pa garantizar un consumu sostenible y consciente. Otra manera, y anque se mantién un diseñu común, cada conceyu va adaptando a les sos particularidaes llingüístiques el conteníu testual de la iniciativa.
Esta nun ye la primer campaña conxunta editada pola Rede de Normalización Llingüística nos Conceyos, qu'aveza trabayar a comuña, pero sí la primera d'esti 2021. En concreto, participen de la propuesta los conceyos de la Mancomunidá del Cabu Peñes (Carreño y Gozón), Comarca la Sidra (Bimenes, Cabranes, Colunga, Nava, Sariegu y Villaviciosa), Grau, Candamu, L.lena, Xixón y Cangas, informa Europa Press.