La Comisión d'Asuntos Medioambientales aprueba l'autorización de la planta nueva de reciclaxe de Coxersa
ACTUALIDÁ
El siguiente pasu ye'l llogru de la llicencia del Conceyu de Xixón pa l'empiezu de les obres
26 feb 2021 . Actualizado a las 13:50 h.La Comisión d'Asuntos Medioambientales d'Asturies (CAMA) informó esti vienres favorablemente l'autorización ambiental integrada (AAI) de la planta nueva de reciclaxe del Consorciu pa la Xestión de los Residuos Sólides d'Asturies (Cogersa).
El siguiente pasu ye'l llogru de la llicencia del Conceyu de Xixón pa l'empiezu de les obres, que se van allargar más de dos años. La planta, que se va encargar específicamente de la fracción resto de basura, va suponer un desembolsu de 58 millones.
La instalación, según señaló'l Principáu, va permitir el tratamientu de 340.000 tonelaes anuales de residuos urbanos entemecíos y otres 75.000 tonelaes d'industriales non peligrosos, qu'anguaño se depositen en vertederu. A partir de 2023 va producir unes 160.000 tonelaes al añu del denomináu combustible sólido recuperao (CSR), 32.000 de material orgánico bioestabilizao y otres 84.000 de materiales recuperaos.
L'AAI establez les condiciones ambientales que van aplicar al desarrollu de l'actividá, que va tener que rexise polos avances técnicos disponibles (MTD) qu'establez la normativa europea de prevención y control integraos de la contaminación, informa Europa Press.