Piñán diz que va ser a finales d'añu cuando s'abra'l «debate» p'algamar «un consensu social grande» pola oficialidá

la Voz REDACCIÓN

ACTUALIDÁ

La consejera de Cultura, Berta Piñán
La consejera de Cultura, Berta Piñán

L'Executivu autonómicu, esplicó la conseyera, va abordar la reforma del Estatutu «dende varies perspectives» y «nun va refugala de nenguna manera»

12 mar 2021 . Actualizado a las 13:02 h.

La conseyera de Cultura, Política Llingüística y Turismu, Berta Piñán, afirmó esti vienres que la oficialidá del asturianu «entendida como un debate social» ye un compromisu electoral del Gobiernu que precisa «un consensu social grande» y que va empezar a trabayase a finales d'anguaño.

A preguntes de los medios na rueda de prensa posterior al Conseyu de Gobiernu, Piñán posicionóse sobre l'aprobación esti xueves nel Congresu, col votu a favor del PSOE, d'una iniciativa promovida por Unidas Podemos y los independentistes qu'encamienta al Gobiernu central a impulsar y apoyar reformes estatutaries pa reconocer la oficialidá de llingües como l'asturianu.

Nesi sentíu, la conseyera afirmó que la oficialidá «entendida como un debate social» ta prevista nel compromisu electoral del Gobiernu socialista, «y va ser abordada nel momentu en que crea oportunu». Asina, esplicó que'l presidente Adrián Barbón yá comunicó a l'Academia de la Llingua «y a otros sectores implicaos nesti procesu más directamente» qu'esti debate va abrise a finales d'esti añu «pa llegar a un consensu lo más ampliu posible», informa Europa Press.

«Dende esta Conseyería entenedemos que'l debate del asturianu y de la oficialidá implica un gran consensu social y creemos qu'esi consensu social tien que trabayase y va tener les sos dificultaes, pero de xuru que llegamos a bon puertu», afirmó Piñán. 

L'Executivu autonómicu, esplicó, va abordar la reforma del Estatutu «dende varies perspectives» y «nun va refugala de nenguna manera». «Bienllegaos sían los apoyos que dende otres instancies y alminitraciones vengan a reafirmar lo qu'esti Gobiernu lleva nel so compromisu electoral», sentenció.