El Principáu espera que los certificaos d'asturianu sían un aval tamién nel sector priváu

La Voz

ACTUALIDÁ

La consejera de Cultura, Berta Piñán
La consejera de Cultura, Berta Piñán

Piñán afirmó qu'esperen que los certificaos d'asturianu se tengan «progresivamente» en cuenta nes ufiertes de trabayu como méritu

03 may 2021 . Actualizado a las 17:41 h.

La conseyera de Cultura, Política Llingüística y Turismu, Berta Piñán, afirmó qu'esperen que los certificaos d'asturianu se tengan «progresivamente» en cuenta nes ufiertes de trabayu como méritu, yá sía na función pública «como n'entidaes privaes de cierta relevancia».

«Lo primero qu'hai que facer y tamos faciendo ye convocar los certificaos oficiales de llingua asturiana. A partir d'ehí la nuestra intención ye que los certificaos nun tean baleros y se tengan progresivamente en cuenta nes distintes ufiertes de trabayu a la función pública o en campañes de normalización pa qu'en toles entidaes de cierta relevancia privada tamién cuenten eses certificaciones como aval pa que determinada xente n'empreses privaes pueda ocupase de la normalización», señaló Piñán.

Con too, la conseyera indicó que se trata de «planes a curtiu, mediu y llargu plazu», pero que nengún d'esos plazos «queremos abandonalo».