Educación va reconocer como formación permanente a docentes la certificación d'asturianu

La Voz OVIEDO

ACTUALIDÁ

Testos normativos de llingua asturiana
Testos normativos de llingua asturiana

Esa situación va camudar, amás con calter retroactivu

04 may 2021 . Actualizado a las 17:56 h.

La conseyera de Cultura, Política Llingüística y Turismu del Gobiernu asturianu, Berta Piñán, dixo esti martes que la Conseyería d'Educación va realizar el cambiu normativu que correspuenda pa reconocer como formación permanente la certificación de llingua asturiana de profesores.

A Piñán preguntáron-y sobre esti asuntu nel plenu de la Xunta Xeneral pol diputáu de Podemos Rafael Palacios, que se quexó de qu'esos profesores llograren la so certificación en pruebes del Marcu Européu de les Llingües en nivel B2 y que depués Educación nun les reconociera como formación permanente.

Esa situación va camudar, amás con calter retroactivu, según garantizó la conseyera, que dixo que lo que pasó ye un "desaxuste normativu" y que'l decretu d'Educación nun contemplaba esa titulación nueva, informa Europa Press.