Supón yá'l 14,2% del empléu de la ciudá
08 jun 2021 . Actualizado a las 13:46 h.La economía azul supón el 14,2% del empléu de la ciudá, lo que se traduz en 13.619 trabayos de los que'l 60,7 por cientu son directos, según l'estudiu de diagnósticu ellaboráu por Xixón Impulsa. La economía azul ye aquella que reconoz la importancia de los mares y los océanos como motores pol so gran potencial pa l'anovación y el crecimientu.
L'estudiu señala que'l sector supón 13% del Valor Amestáu Brutu (VAB) de Xixón, lo que se traduz en 683,8 millones. L'estudiu diagnósticu constitúi ún de los primeros pasos pa la ellaboración d'una estratexa llocal n'economía azul que permita la promoción del sector.
La estratexa enmárcase dientro de les acciones a llevar a cabu dientro de los Proyectos Estratéxicos na nueva Economía del pactu Xixón Reinicia 2020-2021 dedicáu a sectores económicos d'especialización pa la ciudá, unu de los cuales ye la Economía Azul.