Xixón, centru del surf de tol Cantábricu

Xixón Turismu ellabora un nuevu vídeo que busca afitar la ciudá como destín pa unes vacaciones venceyaes a esti deporte


Xixón

Xixón cuenta con una gran tradición de surf. La ciudá tien 3 foles de sonadía: Peñarrubia, la Roca y Jabonera. La sablera de San Llorienzo ye un referente pa la práutica del surf, tanto pa los qu’entamen como pa los más profesionales. Arriendes d’ello, ta asitiáu estratéxicamente pa poder averase a les meyores foles del Cantábricu pa esfrutar d’un día de surf.

«A menos d’una hora podemos esfrutar de les meyores sableres d’ Asturies pa facer surf y, si yá cuntamos 2 o 3 hores, podemos averanos a cuasi tol Cantábricu», sorrayó na presentación de Xixón, tol Cantábricu a los tos pies Santos Tejón, conceyal de Promoción Económica, Empléu, Turismu y Comerciu Llocal de Xixón. Esto ye lo qu’asoleya’l vídeo nuevu promocional de Xixón Turismu, que tá disponible en castellanu, inglés, francés y portugués. Ye un trabayu que busca afitar la ciudá asturiana como’l centru del surf del Cantábricu.

El spot va emplegase n’aiciones promocionales de Xixón Turismu. Amás, va reforciase con una campaña de publicidá empobinada a persones con interés en viaxes y deportes acuáticos. Esta campaña va asoleyase agora en xunu y, previsiblemente, a lo llargo d’esti añu y el viniente dientro la estratexa publicitaria xeneral de Xixón Turismu.

«La ciudá cuenta con una ufierta bayurosa de servicios pa los amantes del surf. Equí puen atopar agospios especializaos, escueles de surf, comercios, talleres… Y tamién una gran ufierta d’espardimientu: bares, conciertos, festivales, fiestes, cultura... Gijón/Xixón ta considerada una de les ciudaes con meyor ufierta cultural y d’espardimientu del Norte d’España», esplica Tejón.

«Teníamos claro que el vídeo no solo debía mostrar surf, sino también ciudad: ambiente, sidra, gastronomía, música, otras actividades… también tuvimos en cuenta que los aficionados al surf abarcan todas las edades: jóvenes, mediana edad, familias, niños/as…», comenta Daniel Martínez Junquera, direutor de Xixón Turismu.

Na presentación, el direutor de Xixón Turismu aprovechó p’adelantar dalgunos patrocinios d’aiciones venceyaes al mundu’l surf, como’l Madrid Surf Film Festival, que celebra la so edición quinta anguaño n’avientu, o Gijón Surf City. «Tres la reestructuración del sector nesti añu post-pandemia, van analizase otres posibles aiciones empobinaes a afitar Xixón como’l destín central de surf nel Cantábricu», zarró Martínez Junquera.

Conoce nuestra newsletter

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Tags
Comentarios

Xixón, centru del surf de tol Cantábricu

Cola ayuda de