Asturies xube hasta 44 el númberu de conceyos col distintivu Ciudá Amiga de la Infancia
ACTUALIDÁ
L'acreitación reconoz el trabayu de los gobiernos municipales comprometíos col cumplimientu de los derechos de la infancia
17 jul 2021 . Actualizado a las 12:22 h.El Principáu d'Asturies xube a 44 los conceyos que tienen el distintivu Ciudá Amiga de la Infancia, en sumándose otros 11 a esti certificáu qu'otorga Unicef. Representantes de los conceyos de Castropol, Cangas, Bual, Eilao, Pezós, Grandas de Salime, Corvera, Llanes, y la mancomunidá integrada por Cangues d'Onís, Amieva y Onís, recibieron esti xueves l'acreitación, que reconoz el trabayu de los gobiernos municipales comprometíos col cumplimientu de los derechos de la infancia, d'alcuerdu cola Convención sobre los Derechos del Neñu.
Amás, renovaron la reconocencia llograda en 2016 Castrillón, Cuaña, Xixón, Grau, Illas, Llanera, Noreña, Uviéu, Pravia, Ribeseya y Salas. Per otru llau, 22 conceyos más tienen la so reconocencia a valir por llogralo o renovalo na convocatoria de 2018, según apunten dende'l Gobiernu autonómicu en nota de prensa.
El Principáu caltién un añu más como la comunidá con númberu mayor de distinciones nesti ámbitu en rellación col númberu de conceyos. Ello ye que'l 86% de los neños y neñes de la comunidá viven yá en territorios reconocíos como amigos de la infancia, frente al 50% de media nacional, informa Europa Press.