Mallada apura un plan n'Asturies pa «evitar la fuga» de personal sanitario

La Voz REDACCION

ACTUALIDÁ

La presidenta del PP d'Asturies participa nuna xuna del comité executivu del Sindicatu Médicu Profesional

20 jul 2021 . Actualizado a las 17:30 h.

La presidenta del PP d'Asturies, Teresa Mallada, alvirtió esti martes de la «inacción del Gobiernu d'Adrián Barbón énte los males endémicos qu'arrastra la sanidá asturiana frutu d'años de la ineficiente xestión de los distintos gobiernos socialistes» y apuró al executivu autonómicu a poner en marcha un plan pa fidelizar y retener al personal sanitariu y «evitar asina l'actual sangría de personal pola fuga de sanitarios, especialmente médicos, a otres comunidaes autónomes».

La líder de los populares asturianos participó n'Uviéu nuna xunta del Comité Executivu del Sindicatu Médicu Profesional d'Asturies (SIMPA) xunto a la diputada vocera de Salú del Grupu Parlamentariu Popular Beatriz Polledo.

Un alcuentru nel qu'escucharon de primer mano les necesidaes de los profesionales sanitarios, y tres el cual Mallada alvirtió públicamente de que los problemes estructurales que carez la sanidá asturiana «por falta d'organización» pasaron de raíz del andanciu a ser «insostenibles», y que son fundamentalmente la falta de personal sanitario (especialmente n'Atención Primaria y médicos especialistes), cola consiguiente «sobrecarga de trabayu» y les «alarmantes« llistes d'espera quirúrxiques.

Teresa Mallada acusó al Gobiernu de Barbón de «parapetase detrás del andanciu pa ocultar una xestión ineficiente», con «planes que nun van a nenguna parte», mientres los profesionales sanitarios «marchen por cientos cada añu».

Amás aseguró que n'Asturies «tamos en plena desventaxa» al respecto d'otres CCAA tocantes a les condiciones llaborales de los profesionales sanitarios. «Equí, por exemplu, el preciu de les hores de guardia de los médicos ta bien per debaxo de la media nacional; el tiempu de resolución de les Ufiertes Públiques d'Empléu allargase hasta dos años y mediu nel casu de los médicos de familia apocayá, o hasta los trés años pa anestesistes; y el personal d'enfermería n'Asturies cobra de media 150 euros menos al mes al respecto de otres CCAA, por exemplu».

Recuerda que l'actual Plan de Recursos Humanos Sanitariu del Principáu data del 2009, polo que s'atopa "desactualizáu" y, amás, obliga a los profesionales a xubilase a los 65 años, a diferencia de lo qu'asocede n'otres Comunidaes. «Tamos esbardiando un personal con esperiencia y capacidá», alvirtió la líder del PP asturianu.

Por ello, Mallada apuró la ellaboración d'un plan pa fidelizar y retener al personal sanitario que contemple, ente otros aspeutos, abrir la carrera profesional, bloquiada por esti Gobiernu; incentivar los puestos de mala cobertura, o desbloquiar la exclusividad n'Asturies. «A última hora, tenemos que faer competitiva la sanidá asturiana», reclamó.

Tocantes a les llistes d'espera, Mallada alvirtió de qu'algamaron «cotes alarmantes», especialmente les quirúrxiques, y que de fechu Asturies ye la tercer Comunidá colos peores datos d'España, en tasa por 1.0000 habitantes, nes llistes d'espera quirúrxiques. A fecha d'avientu del 2020, les llistes d'espera quirúrxiques son n'Asturies del 20,2% (solo superen a Asturies Estremadura y Aragón); el doble que Galiza (12,18%), Comunidá Valenciana (11,83%) o Madrid (11,13%), ente otres.

De cara a «atayar estes inasumibles y crecientes llistes d'espera», Mallada apeló al Executivu rexonal a «reforzar collaboración públicu-privada» na rede sanitaria. «Nun podemos depender de la ideoloxía cuando tamos falando de salvar vides y desaniciar la grave crisis económica y social derivada del andanciu», aseguró, informa Europa Press.