Una comunidá enerxética abierta a los vecinos de Llanera

G. G. REDACCION

ACTUALIDÁ

Infografía del proyecto Axuntase
Infografía del proyecto Axuntase Axuntase

La cooperativa de cohousing Axuntase va poner al serviciu d'empreses y viviendes del conceyu l'escedente que se consiga con paneles solares y sistemes d'aforru

14 oct 2022 . Actualizado a las 18:59 h.

La cooperativa de cohousing Axuntase va poner en marcha una comunidá enerxética, en collaboración con otres entidaes, que va tar abierta a los vecinos de Llanera. D'esta manera, va poner al serviciu de viviendes y empreses de la zona l'escedente enerxéticu que se consiga colos medios de producción del complexu de viviendes collaboratives que se va llevantar en Caraviés. 

Tal y como esplica María Asunción Rodríguez Lasa, presidenta d'Axuntase, una comunidá enerxética ye una entidá xurídica formada por persones físiques y xurídiques que la so finalidá ye ser usuarios activos en materia d'enerxía. «Queremos pasar de ser simples consumidores a ser tamién productores d'enerxía», indica.  

El proyectu, del que formen tamién parte la cooperativa Astuenerxía y entidaes como EcoPruvia, busca que los participantes puedan xenerar la so propia enerxía y consumila. Pa ello, van emplegase los paneles solares y los sistemes d'aforru enerxético del complexu de viviendes collaboratives. Una producción de la que van poder aprovechase los vecinos de la zona que deseen formar parte d'esta comunidá enerxética y soliciten incorporase a Axuntase.

L'entamu de les obres, dempués del branu

La comunidá enerxética va ser ún de los distintos proyectos paralelos que dende Axuntase quieren impulsase en Llanera, onde bien llueu van llevantase 36 viviendes con una inversión que va rondar los cuatro millones d'euros. La tramitación alministrativa avanza a bon ritmu y tres el branu van poder empecipiar les obres na parcela de Caraviés. 

Nel terrén realizáronse yá diverses xeres previes y plantáronse distintes especies vexetales como parte del proyectu paisaxísticu de la cooperativa. Amás, esta mesma selmana va instalase un puntu d'accesu a la eletricidá, lo que supon l'entamu de la llegada de los suministros fundamentales a la parcela.

El primera cohousing interxeneracional

La Cooperativa Axuntase ye la promotora del primera cohousing d'Asturies. El cohousing ye un modelu de vivienda nel que los sos integrantes esfruten d'una vivienda privada nun complexu arquitectónicu que cunta con amplios espacios comunes que favorecen la socialización y la vida en comunidá.

Esti modelu vien desenvolviéndose con gran ésitu nel centru y norte d'Europa, principalmente, dende los años 70 y encara decididamente problemátiques qu'afecten a la sociedá nel so conxuntu como son: la sostenibilidá medioambiental, l'accesu a la vivienda, los cocuidaos, la conciliación familiar, etc...