«La CSI nun ye agora mesmu un espaciu seguru pa les militantes feministes», indiquen
30 jul 2021 . Actualizado a las 17:06 h.CSI Feminismu anunció esti vienres l'abandonu de la militancia y l'afiliación nel sindicatu por «desvinculase» del casu d'una persona acusada y encarcelada por abusu de menores qu'entamaba los talleres pa menores de la Asociación de Paraos y Precarios d'Asturies na finca Molín de Vega.
Nun comunicáu unviáu a los medios, la entidá indicó que la CSI desvinculóse d'estos fechos y nun establecieron rellación coles families afectaes. Amás, «responsabilizaron a CSI Feminismu de filtrar información a la prensa y a la policía d'estos fechos, mintiendo descaradamente a les afiliaes y afiliaos».
Pa CSI feminismu trátase de «un puntu d'inflexón» que, amás, «cuestiona seriamente la credibilidá de la CSI, y dexa claro qu'en nengún casu tendría que siguir denominándose sindicatu feminista».
«La CSI nun ye agora mesmu un espaciu seguru pa les militantes feministes. Y nun lo va ser mentes nun haya un debate abiertu, real y non comprometíu; mentes que nun s'asuman responsabilidaes y se faiga la necesaria autocrítica. Mentes les lluches feministes sían consideraes secundaries y nos sigan responsabilizando de frañar la organización», indicaron, informa Europa Press.