El Premiu constituyóse a lo llargo de les sos ediciones nuna de les actividaes de la Fundación de meyor acoyida dientro del Principáu
30 ago 2021 . Actualizado a las 05:00 h.El xueves 2 de setiembre va celebrase nel Hotel de La Reconquista d'Uviéu (Salón Florencia) la xunta del xuráu encargáu de conceder el Premiu al Pueblu Exemplar d'Asturies 2021 na so trixésima segunda edición.
Los miembros del xuráu van empezar los sos deliberaciones a les 9.30 hores y van facer públicu'l fallu a les 14.00 hores nel mesmu hotel (Patiu de los Gatos). El Premiu al Pueblu Exemplar d'Asturies constituyóse a lo llargo de les sos ediciones nuna de les actividaes de la Fundación de meyor acoyida dientro del Principáu, al tar destináu a gallardonar «al pueblu, aldea, núcleu de población, espaciu paisaxísticu o grupu humanu del Principáu d'Asturies que destacara de manera notable na defensa y caltenimientu de la so redolada natural, ambiental, del so patrimoniu históricu, cultural o artísticu, n'iniciatives d'impulsu económicu y social o na realización d'obres comuñales o otres manifestaciones de solidaridá sobresalientes».
Esti gallardón apúrrenlu cada añu Les sos Maxestaes los Reis, na xornada posterior a la ceremonia d'entrega de los Premios Princesa d'Asturies, que se celebren n'Uviéu na segunda quincena d'ochobre. N'ediciones anteriores, los Reis tuvieron acompañaos poles sos Alteces Reales la Princesa d'Asturies y la Infanta Doña Sofía, informa Europa Press.