Maestros d'asturianu que «oficialmente nun existen»

La Voz

ACTUALIDÁ

CCOO y Podemos destaquen la necesidá de crear la especialidá docente de llingua asturiana

18 ene 2022 . Actualizado a las 17:08 h.

Los dirixentes de la Federación d'Enseñanza de CCOO d'Asturies aprovecharon la xunta cola cúpula nueva de Podemos pa destacar la necesidá de crear la especialidá docente de Llingua Asturiana.

Nunes declaraciones recoyíes por Europa Press, el secretariu xeneral de la Federación d'Enseñanza de CCOO d'Asturies dixo que los cuasi cerca de 400 profesores qu'imparten esa asignatura sufren una situación d'interinidá, la mayoría a media xornada. Esplica Llorente que se trata d'un colectivu que nun pue opositar porque nun existe entá la especialidá y ve imposible ser funcionariu de carrera. «Porque oficialmente nun existen», llamentó.

Llorente aconceyó cola coordinadora autonómica de Podemos n'Asturies y diputada nacional d'Unidas Podemos, Sofía Castañón, la secretaria de Servicios Públicos del Conseyu Ciudadanu, Tamara Schulz, y la diputada Nuria Rodríguez.