Navia, Ayande, Somiedo, Cuideiru y Ibias, únicos conceyos que queden por oficializar la so toponimia tradicional

La Voz OVIEDO

ACTUALIDÁ

Camión de la basura del Ayuntamiento de Langreo
Camión de la basura del Ayuntamiento de Langreo Ayuntamiento de Langreo

Cola aprobación pol Conseyu de Gobiernu de la toponimia oficial de Caravia son yá 73 de 78 los conceyos colos sos nomes tradicionales oficializaos

07 abr 2022 . Actualizado a las 11:47 h.

Cola aprobación esti pasáu vienres 1 d'abril pol Conseyu de Gobiernu de la toponimia oficial de Caravia son yá 73 de 78 los conceyos colos sos nomes tradicionales oficializaos. Asina, namás cinco tán pendientes d'acabar esti procesu.

Trátase de los de Navia, Ayande, Somiedo, Cuideiru y Ibias. Los cinco primeros tán gobernaos pol PSOE, mentes qu'Ibias tien una alcaldesa 'popular'. A lo llargo d'esti mandatu, l'Executivu autonómicu dio lluz verde a la toponimia de 7 de los 12 conceyos pendientes d'oficializar, concretamente la de Cabrales, Castropol, El Valle Baju de Peñamellera, Llanera, Pravia, Salas y Caravia.

El Conseyu de Gobiernu aprueba la toponimia oficial depués de que'l conceyu valide'l dictame emitíu pola Xunta Asesora de Toponimia. El Boletín Oficial del Principáu d'Asturies (BOPA) publica los decretos y estos han entrar en vigor a los venti díes. Dende esi momentu, les alministraciones públiques van poder facer usu de los términos oficializaos, tanto na cartografía oficial como nes señalizaciones y rotulaciones toponímiques, informa Europa Press.