Récor de viaxeros nel tren turísticu d'Ayer

J. L.

ACTUALIDÁ

Tren turísticu d'Ayer
Tren turísticu d'Ayer

El serviciu prollóngase hasta'l 28 d'agostu

21 ago 2022 . Actualizado a las 05:00 h.

Más de 3.000 persones viaxaron dende'l pasáu 16 de xunetu nel Tren Turísticu d'Ayer esti branu desque se punxo en marcha'l pasáu 16 de xunetu, lo que motivó que'l serviciu s'ampliare hasta'l próximu domingu 28 d'agostu, en llugar de rematar esti domingu como taba previstu.

Hemos creado para ti una selección de contenidos para que los recibas cómodamente en tu correo electrónico.

«El tren turísticu foi un ésitu ablucante y convirtióse nuna de les principales atracciones braniegues del nuestru conceyu», asegura la conceyala de Turismu, Elena Zapico, qu'esplica que «el branu ye una de les dómines de mayor afluyencia de visitantes y, poro, punximos en marcha esta iniciativa col fin de xenerar valor amestáu a los turistes qu'esfruten de les sos vacaciones n'Ayer y, tamién, coles mires d'atrayer visitantes».

Tamién destaca que'l tren turísticu consolidóse como una de les grandes curiosidaes del branu n'Ayer, siendo «numberosos los turistes agospiaos n'otros puntos d'Asturies y los residentes n'otros conceyos de la rexón que se movieron a Ayer pa esfrutar tanto de los percorríos qu'ufierta'l tren como de la ufierta turística del territoriu».