Publícase «Paez que nun foi ayeri», cómic ganador del Alfonso Iglesias 2021

La Voz

ACTUALIDÁ

El director de la Semana Negra, Ángel de la Calle
El director de la Semana Negra, Ángel de la Calle Juan González | EFE

Trátase d'una narración que fala de la «xeneración bífida»

03 nov 2022 . Actualizado a las 17:18 h.

Ediciones Trabe publicó 'Paez que nun foi ayeri', d'Ángel de la Calle, obra ganadora del XIII Premiu Alfonso Iglesias de Cómic en Llingua Asturiana del Principáu.

Trátase d'una narración que fala de la 'xeneración bífida', «una historia de desamparu, adicción y muerte», señalaron dende Trabe. «Un rellatu de cómo les xeneraciones se pierden y los suaños, tantes veces, se convierten en velees», indicaron.

La Biblioteca d'Asturies va acoyer esti xueves la presentación de 'Paez que nun foi ayeri'. Al autor van acompañalu nesti actu'l profesor de la Universidá d'Uviéu y escritor Ramón d'Andrés y el críticu Norman Fernández. La presentación va facese'l xueves 3 de payares a les 19.00 hores, nel salón d'actos de la Biblioteca d'El Fontán.

L'ilustrador Ángel de la Calle nació en Molinillo de la Sierra (Salamanca), pero vive dende neñu en Xixón. De la Calle, que combina la so actividá profesional cola organización de la Selmana Negra de Xixón, collaboró con publicaciones como Zona 84, El Víbora, Comix Internacional, Rambla o Heavy Metal.

Ye autor de les noveles gráfiques 'Modotti. Una mujer del siglo veinte', y 'Pinturas de guerra', cola que llogró nel 2018 el premiu a la Meyor Obra d'Autor Español nel Salón del Cómic de Barcelona. Les sos obres foron publicaes en diversos países y traducíes a dellos idiomes