Va ser los llunes y los miércoles a les 17.30 hores, nel Centru Municipal Integráu de L'Arena
25 ene 2023 . Actualizado a las 17:09 h.La Universidá Popular de Xixón va poner en marcha, a partir del 15 de febreru, un cursu de radioteatru n'asturianu pa que los interesaos puedan acabar grabando los sos propios podcast.
Nel cursu van dase les ferramientes necesaries pa crear obres de ficción radiofónica, dende la creación de los guiones hasta la interpretación de los mesmos, amás del conocimientu ténicu que se requier pa grabales y xenerar podcasts.
El cursu va ser los llunes y los miércoles a les 17.30 hores, nel Centru Municipal Integráu de L'Arena. Pa matriculase nesti cursu hai que tener conocimientos previos y va poder tener variaciones d'horariu en dalgunes sesiones pa facer salíes, informó Europa Press.